Прадвесне

RSS Feed
Сярэдняя: 4.8 (4 галасоў)
Пад булькатанне ручаёў
Спяшаюць нацянькі
Да сонных вёсак і гаёў
Вясновыя дзянькі.

Туман гусцее над ракой,
Над купкамі лазы.
I дзюбы чорныя ў гракоў
Ад веснавой гразі.

Сплылі з вадой сляды саней.
Ад поля —
           пах раллі.
На ўзлеску
            белыя, як спег,
Пралескі расцвілі.

Ударыў журавель крылом
Па соснах дзвінскіх стром.
Грыміць —
           ці позні крыгалом,
Ці, можа, першы гром.