Янка Купала

RSS Feed

Выйдзі...

Сярэдняя: 4.2 (57 галасоў)

Ўстань ты, старонка, родная маці!
Годзе зімовага рабскага сну,
Годзе табе ўжо слёзна ўздыхаці, —
Выйдзі на поле, на сенажаці,
Выйдзі спаткаці вясну!

Скінь лахманы, што доўгія векі
Ты валачыла з кастры, з палыну;
Выйдзі з-пад дзікай зімняй апекі,
Што над табою строіла здзекі, —
Выйдзі спаткаці вясну!

Вырылі сцюжы віхрамі, снегам
Яму глыбоку табе не адну;
Снежныя насыпы мела начлегам...
Глянь, снягі таюць, рэчкі йдуць бегам...
Выйдзі спаткаці вясну!

З поўначы сівер кідаў табою,
Як абадрану з лістоў галіну;
З захаду зверы йшлі чарадою
Рваць твае грудзі... Выйшла жывою, —
Выйдзі ж спаткаці вясну!

Дзетак тваіх скрозь крыўдай сляпілі,
Мучылі, гналі без часу ў труну,
Казак вучылі, што ты ў магіле,
Толькі ж бліск сонца здраду асіліў...
Выйдзі спаткаці вясну!

Ясна, святочна ў красы ўбярыся,
Птушкай свабоднай сягні ў вышыну,
З сонцам злучыся, зорамі йскрыся,
Песняй распейся, славай акрыйся,
Выйдзі спаткаці вясну!

Сплецену з церняў маеш карону,
Хорам твой — неба і нівы краса,
Царства ў чатыры дрэмле староны,
Слугі — мазольных рук міліёны...
Выйдзі... Чакае вясна!..

Вясна

Сярэдняя: 4.3 (63 галасоў)

Згінулі сцюжы, марозы, мяцеліцы,
Болей не мерзне душа ні адна,
Сонейкам цёпленькім, зеленню вабнаю
Абдаравала зямельку вясна.

Рэчкі бурлівыя, ўчора санлівыя,
Сёння усталі, плывуць і бурляць;
Рыбкі шмыглівыя скачуць, купаюцца,
К небу прыветна з вадзіцы глядзяць.

Пушчы паважныя, зімку праспаўшыя,
Радасна песні зайгралі свае;
Лісці зашасталі, птушкі зачыркалі,
Свішча салоўка, і дзяцел клюе.

Поле травіцаю сочнай адзелася,
Выйшла скацінка і дружна скубе,
Каля скацінкі падпасвіч з жалейкаю
Хадзіць навокал ды йграе сабе.

Грай, грай, жалеечка! Грай, грай, вясёлая!
Выйграй з вясною і долечку мне;
З пушчаю, з птушкамі, з вольнымі ветрамі
Грай мне аб шчасці, грай аб вясне!

Вясна

Сярэдняя: 4.7 (22 галасоў)

У вянку з пралесак,
У святлянай шаце
Ходзе борам-лесам,
Полем, сенажацяй.

Сонцу-яснагрэю
Расплятае косы,
Раніцамі сее,
Як брыльянты, росы.

Сцелецца травіцай,
Ветрыкам шапоча,
Коціцца крыніцай,
Рыбкаю плюскоча.

Весела міргае
Сошцы і баронцы,
Зернятка хавае
Ў свежай баразёнцы.

У гайкі заходзе,
Шапаціць лісткамі;
Гутарку заводзе
З белкамі, дзятламі.

Роднае прыселле,
Вырай любіць вуча,
Лад вядзе ў капэле
Грамады пявучай.

Сяміцвет – вясёлкай
Ззяе над далінкай,
Ходзе за кароўкай,
Гляне і ў хацінку.

Дзецюку, дзяўчыне
Блогасна ўсміхнецца,
Штось на вуха кіне,
Закалоце сэрцам.

I усюды гэтак –
Полем, сенажацяй,
У кароне з кветак,
У святлянай шаце.

Усе аўтары

Аўтар невядомы
Грынь Лілія
Левітан Жанна
Стральцоў Міхась
Lazzaro
Дабравольская Ангеліна
Лойка Алег
Стрыжак Віктар
Абрамчук Тамара
Дзеружынскі Авяр’ян
Лось Еўдакія
Сцяцко Ілона
Аксёнчык Ніна
Дзюба Уладзімір
Лукашэвіч Станіслаў
Танк Максiм
Акулін Эдуард
Дзям'янава Таццяна
Лутава Ганна
Таўлай Валянцін
Арцёмаў Аляксей
Дубашынская Ірына
Мінкін Алег
Трус Паўлюк
Багдановіч Ірына
Дылюк Андрусь
Маркевіч Ірына
Турко Кастусь
Багдановіч Максім
Жуковіч Васіль
Марук Уладзімір
Усцінава Жанна
Барадулін Рыгор
Забалоцкая Людміла
Мацулевіч Алесь
Хадарэнка Ірына
Барысевіч Вольга
Законнікаў Сяргей
Мацулевіч Валера
Хвалей Яўген
Брандт Сяргей
Зуёнак Васіль
Мацяш Ніна
Хейлік Галіна
Броўка Пятрусь
Кірыенка Кастусь
Надольскі Павел
Цвірка Кастусь
Булаукіна Таццяна
Каліцька Наталля
Неўдах Лявон
Цвірка Таццяна
Бураўкін Генадзь
Караткевіч Уладзімір
Півуноў Юрась
Шабовіч Мікола
Вітка Васіль
Карцялёў Міхась
Палынскі Ігар
Шакола Пётр
Ветразь
Карцялёў. Міхась
Панчанка Пімен
Шаціла Віктар
Воранава Людміла
Касянкова Ірына
Пысін Аляксей
Шолахаў Дзмітрый
Вялюгін Анатоль
Кляўко Генадзь
Радзівончык Ніна
Шпіронак Дзяніс
Вярба Вера
Колас Якуб
Разанаў Алесь
Шушко Анатоль
Вярцінскі Анатоль
Кот Мікалай
Рай Ядвіга
Шылавец Надзея
Гілевіч Ніл
Кульбіцкі Сяргей
Руцкая Алена
Янішчыц Яўгенія
Гайдук Уладзімір
Куляшоў Аркадзь
Сіпакоў Янка
Янкоўскі Антон
Гардзейка Уладзімер
Купала Янка
Салтук Алег
Ярац Віктар
Гаўрусёў Сцяпан
Куратнік Дзмітрый
Самусенка Кацярына
Ярашонак Аксана
Грачанікаў Анатоль
Ліпчанская Ганна
Свірка Юрась
Яўменаў Леанід
Грушэцкі Алег
Лазіцкая Галіна
Спясівых Антось
Яцкоў Мікола