Міхась Карцялёў

RSS Feed

Абуджэньне.

Сярэдняя: 4.3 (3 галасоў)

Абуджэньне.

І пабягуць зноў ручаіны,
І пацягнуць, як здаўна,
Пачуцьцяў новых залаціны
Да грудзей белага руна.

І вераб’і вясну азначаць,
І пер’е ў дзюбах панясуць,
І пошасьці ад нас, лядашкай,
Па стрэхах дома ападуць.

І жаўрукі ўзьляцяць бязважка,
І чарку з сонейкам кульнуць,
І ўславяць новай песьняй бражнай
Жыцьцё зямное і вясну.
-19.02.17.

Сакавік жывіць корань...

Яшчэ не ацэнена

Сакавік жывіць корань,
Красавік квеціць гольле,
Май, зялёнай лістоты
Накідае з падолу.
Мноства птах ды саловак
Утуліць шчодрае лета,
Дасьць дыямэнтаў росных
Да людское патрэбы.
Усякветна жыцьцё
Зашчыруе ад Бога,
Ад праростка свайго,
Да калосься на полі.
-04.04.15.

Усе аўтары