Жанна Усцінава

Майскае сафары

Гэй! Сафары сёння ў мяне
з навальнічнаю майскай
рызыкай:
тут Маланкавагрывы Леў
над Растою прыціхлай
ры′кае.
У душы раптам зайграў
накцюрн-
па ўсім целе панёс
дрыжыкі…
Эх! Па мне б не прайшоў
кіпцюр
звера хіжага, жоўта-рыжага!
Твар макрэў,
халадзеў,
бялеў
пад адчайнай ліўнёвай
сілаю,
як Маланкавагрывы леў
мяў у лапішчах хмару
сінюю.

Хмара йрвалася
так і сяк,
урэшце з лаянкаю
грымотнаю
два змаганцы магутных
няўзнак
зніклі ў шыры
загарызонатвай.