Уладзімір Караткевіч
RSS FeedЖаўранак — звонкая ніць
Хмары веснія цяжкія, як кентаўры,
Песня шчасця пад імі ўзахлёб звініць.
Ах, гэта жаўранак,
Жаўранак,
Жаўранак,
Срэбная,
Срэбная,
Срэбная ніць.
Над ракою, тваім зайздросцячы лаўрам,
Вадзяны бугай трубіць, як грубіць.
He звяртай увагі,
Жаўранак,
Жаўранак,
He парві сваю тонкую,
Тонкую ніць.
Зноў дымеюць разоры і сытая пара
На курганы былога майго бяжыць.
Працягні з майго сэрца,
Жаўранак,
Жаўранак,
Аж да самага неба
Звонкую ніць.
Апошнiя водгукi
20 недель 5 дней назад
21 неделя 5 дней назад
22 недели 4 дня назад
22 недели 5 дней назад
23 недели 9 часов назад
23 недели 1 день назад
23 недели 1 день назад
23 недели 1 день назад
23 недели 1 день назад
23 недели 1 день назад